Në zonën e “Qytetit Studenti” ka ndodhur një sherr me thikë, si pasojë e të cilit një person është plagosur. Autori dhe i plagosuri janë të dy studentë.
I plagosuri me thikë është 20-vjeçari me iniciale A.D. Sipas burimeve, ai ka marrë tre plagë: një në brinjë, një në qafë dhe një në shpatull, dyshohet se autori është shtetasi A.A 19 vjeç.
Ngjarja e rëndë ka ndodhur disa ditë pas vrasjes po me thikë të një 14-vjeçari në shkollën “Fan Noli”, nga shoku i tij i klasës.
Në lidhje me ngjarjen policia ka bërë njoftimin paraprak.
Tiranë / Informacion paraprak
Më datë 21.11.2024, në Qytet Studenti, në rrugën “Sotir Kolea”, gjatë një konflikti dyshohet se shtetasi A. A., 19 vjeç, ka goditur me mjet të mprehtë shtetasin A. D., 20 vjeç, i cili si pasojë është dëmtuar dhe ndodhet në spital, në kujdesin e mjekëve.
Po punohet për sqarimin e rrethanave të ngjarjes.
