Banorët e fshatrave Suk dhe Arapaj, të cilët preken nga ndërtimi i TECI-t kanë protestuar sot para bashkisë Roskovec. Gjithashtu banorët shprehen se TECI jo vetëm do të shkatërrojë tokat bujqësore, por do të shkaktojë edhe helmimin e zonës. Ndërsa protesta e banorëve të fshatrave Suk 1, Suk 2 dhe Arapaj në Roskovec kundër vendimit për ndërtimin e TEC në këtë zonë janë zhvilluar para godinës së bashkisë së drejtuar nga Majlinda Bufi.
Sakaq banorët janë kundra vendimit ku është planifikuar ndërtimi i termocentralit. Po ashtu banorët pohojnë se nuk janë pyetur për këtë projekt dhe duke pasur parasysh dëmet që ky termocentral mund të shkaktojë në tokat bujqësore dhe mjedisin, do të vazhdojnë betejën ligjore dhe protestat. Ndërkohë avokati Altin Goxhaj ka qenë në mbështetje të banorëve dhe ka theksuar se projekti për ndërtimin e TEC në fshatin Suk është një projekt që garanton helmimin. Banorët shprehen se do të vijnë qëndresën për të mos lejuar ndërtimin e TECI-t.
