Partia Demokratike ka kërkuar dorëheqjen e zëvendëskryeministres Albana Koçiu, pasi ajo mori pjesë në Paradën e organizuar nga shoqatat LGBTQ pranë ambasadorit Gonzato. Sipas opozitës, këto shoqata operojnë me financime të dyshimta nga burime të huaja dhe nuk janë thjesht organizata të drejtash, por pjesë e një axhende më të gjerë LGBTQ. PD pretendon se pjesëmarrja e Koçiut në këtë aktivitet legjitimon ato shoqata dhe financimin e tyre të paqartë, pa pasur vetë a lidhje direkte me to. Për këtë arsye, opozita e cilëson të papranueshëm që një zyrtare e lartë e qeverisë të shoqërohet me iniciativa që mbështeten nga para të dyshimta nën ombrellën e axhendës LGBTQ.
PD ka kërkuar gjithashtu që ambasadori Gonzato të thirret për shpjegime nga Ministria e Jashtme, pasi ai dyshohet se ka koordinuar me këto shoqata për të shtyrë axhendën LGBTQ në Shqipëri. Opozita thekson se çështja nuk është kundër komunitetit, por kundër përdorimit të shoqatave me financim të dyshimtë si mjete për të ndikuar në politikën e brendshme. Koçiu akuzohet se me praninë e saj u ka dhënë kredibilitet këtyre shoqatave, duke injoruar faktin se disa prej tyre nuk raportojnë burimet e fondeve të marra nga jashtë. Nga ana e qeverisë nuk ka pasur ende reagim zyrtar lidhur me kërkesën për dorëheqje, ndërsa PD ka paralajmëruar se do ta ngrejë çështjen në Kuvend.
Opozita dhe faktorët brenda saj kanë kërkuar një hetim parlamentar për të gjitha shoqatat LGBTQ që kanë marrë grante nga fondacione ndërkombëtare, duke i cilësuar ato si pjesë e një axhende të organizuar. Pavarësisht se Koçiu nuk ka lidhje të drejtpërdrejta me financimet e dyshimta, PD insiston se pjesëmarrja e saj e bën atë politikisht përgjegjëse para opinionit publik. Ndërkohë, Gonzato nuk ka komentuar ende thirrjen për t’u paraqitur, ndërsa Koçiu vijon të jetë në detyrë.
“Do t’i kërkoj në seancën plenare Kryeministrit Shkarkimin e Albana Koçiut për pjesëmarrjen e papranueshme në paradën e LGBTQ+ .Të nderuar kolegë të Ministrisë së Jashtme ju kërkoj që të bëni demarsh diplomatik (notë proteste zyrtare) ndaj ambasadorit Gonzato për pjesëmarrjen e tij në paradë. Të thirret për shpjegime në Ministrinë e Jashtme dhe t’i thuhet që kjo bie ndesh me ato parime që ne ndërtojmë në shoqërinë tonë dhe ligjin e diskriminimit.” – ka thënë deputeti i PD, Tritan Shehu.
